Ապրելու Արցախի դեսպան է նա, ով հավատում է, որ Արցախի ապագան մեր ձեռքերում է և մեզանից է կախված ինչպես է զարգանալու Արցախը, ինչ կարգավիճակով… նա, ով չի հանձնվել և չի կասկածում, որ Արցախը մեր հայրենիքն է… նա, ով գիտի, որ հողը ապրեցնելով է կենդանություն ստանում … նա, ով խոնարհվում է հայ զինվորի առջև, որոնք իրենց կյանքը չեն խնայել Արցախը հայերեն ապրեցնելու համար … նա, ով խոստանում է նահատակված հայ զինվորներին, որ ջանք չեն խնայելու, որ հայն ապրի Արցախում՝ ի փառս հայոց պետականության և նրա նվիրյալ զավակների… Եվ կանգնած է այն հայի կողքին, ով ապրում է Արցախում՝ ապրեցնելով Արցախը:
Եվ, ահա, եթե, հավատում ես, որ հայը անելիք ունի Արցախում և Արցախը հայերեն ապրեցնելու գործում, դու Ապրելու Արցախի դեսպան ես:
Դու պատմելու ես Արցախում մեր առաքելության մասին և քո վստահությամբ և հավատով ուժեղացնելու ես հայկականը Արցախում և քո պատմություններով նոր մարդիկ են միանալու մեզ՝ իրենց կարողությունները առաջարկելով Արցախին, հանգանակելով հօգուտ Արցախում իրականացվող կոնկրետ ծրագրերի կամ ուղղակի աջակցելով հիմնադրամին՝ իրագործելու իր տեսլականը:
Քո ամենամսյա անդամավճարները ծառայելու են բացառապես Արցախում իրականացվող ծրագրերի իրականացմանը: Դեսպանի անդամությունը տարեկան է: Ամեն տարի Ապրելու Արցախի դեսպան դառնալու համար քո վճռական հանձնառության և հաստատման կարիքն է լինելու:
Ու եթե դու արդեն գիտես, թե ինչու ես դառնում Ապրելու Արցախի դեսպան, մենք օր առաջ քո կարիքն ունենք! Սպասում ենք քեզ մեր նվիրական թիմում …